Home

Aq’omanïk

Roma ruto’onïk ri Dr Luis Alberto Letona Simons, ACOTCHI ntikir nub’än ka’i’ aq’omanïk pa jun wuq’ij wakamin, jun pa Iximche chuqa’ jun pa Chiq’a’l. Chupan ri juna’ 2,006, xek’oje’ 789 yawa’i’, xjote’ 250 winaqi’ pa ruwi’ ri juna’ kan. Ri aq’omanïk re’ majun nutöj ta chuqa’ xäb’ achike winäq ntikir noqa. Nsamäj janila pa ruwi’ ri taq yab’il yalan e k’atzinel. Jub’a’ ma ronojel ri yawa’i’ e ixoqi’ o alk’wala’. Chupan ri aq’omanïk re’ chuqa’ ntikir noqa ruyawa’ ri k’exelom, achi’el wi k’o jun ixöq royob’en janila xyawäj.

Achib’äl richin ri aq'omanïk

Kaxlan aq’om qasan rajil

ACOTCHI xtzijon rik’in jujun aq’om k’ayinela’ aj Armita, k’a wakamin xtikir xub’än jun ko’öl aq’om k’ayb’äl chupan ri aq’omab’äl jay Chiq’a’l. Xaxe jub’a’ nutöj ri ACOTCHI, achi’el xaxe ri k’atzinel chi man xtusäch ta pwäq roma riloxïk chuqa’ rejqaxïk ri aq’om. Ke ri yalan k’atzinel ri jun samaj re’, roma ri winaqi’ yetikir nkilöq ri taq aq’om, achi’el ri hierro, ri antibioticos, chuqa’ ri vitaminas, pa xaxe k’o chi nkitöj jub’a’ chwäch jampe k’o chi nkitöj pa ri taq farmacias.

Tijonïk

ACOTCHI nub’än k’exelom tijonïk ronojel ik’ pa Iximche chuqa’ pa Chiq’a’l. Nkiya’ ri tijonïk ri k’exeloma’ janila kina’oj chuqa’ jujun aq’omanela’. Nkusax jujun wuj chupan ri tijonïk, achi’el ri k’exelom wuj xub’än ri Fundación Hesperiana. Wawe’ yatikir natz’ët jujun ri taq kib’i’ ri tijonïk chupan ri juna’ kan:

  • Ri tzatzq’or chuqa’ ri taq ib’och’
  • Utziläj ya’ chuqa’ ritzelal ri pamaj
  • Nab’ey taq aq’omanïk
  • Achi’el nchajix ri ya’
  • Reqalen ri ojer k’exelom na’oj
  • Ruyab’ilar ri ixöq royob’en
  • Rub’anikil chuqa’ rusamaj kich’akul ri ixöq chuqa’ ri achin
  • Ri tz’umal: sokotajïk, kapinïk chuqa’ k’atinïk
  • Ri utziläj aq’omanïk rik’in ri ixöq royob’en

Achib'äl richin ri tijonïk

Tijonïk pa ruwi’ ri tz’ib’anïk

ACOTCHI retaman chi yalan k’atzinel ri tz’ib’anïk chuqa’ ri sik’inïk. Wi man yetikir ta yetz’ib’an ri k’exeloma’ man yetikir ta ye’ok pe k’atzinel achi’el pa ronojel ri tinamït. Roma ri, ACOTCHI nuya’ tijonïk pa ruwi’ ri kaxlan tz’ib’anïk ronojel wuq’ij. Nkiya’ ri tijonïk jujun samajela’ pa Iximche chuqa’ pa Chiq’a’l.

Taq samaj majani xetikir ta

Nawetamaj ach’il yatikir yato’on pa ruwi’ ri petenäq samaj!